Doğrudan da trol və təlxəyə çevrilmiş Qaxariaya müraciət edirəm: Qori Şəhər Məclisinin fraksiyanızın üzvləri Davit Razmadzeyə qarşı impiçment prosedurunun aparılmaması üçün “Milli Hərəkat”ın üzvlərindən gizlənirlər, telefonları sönülüdür – bu barədə “Milli Hərəkat”ın sədri Tina Bokuçava sosial şəbəkədə yazır.

Bokuçava Qaxarianın partiyasına müraciət edərək, Davit Razmadzenin impiçmenti ilə bağlı “Milli Hərəkat”ın təşəbbüsünə vaxtında qoşulmağa çağırır.

“Bu, işğalçıları, Qiorqi Antsuxelidzenin qatillərini, Gürcüstanı qarət edənləri sülhməramlılar adlandıran, qəhrəman hərbçilərimizi isə xuliqan adlandıran biabırçı satqındır. Milli ləyaqətin bir zərrəsinə malik istənilən dövlət bu biabırçı satqını təkcə vəzifəsindən kənarlaşdırmazdı, xəyanət maddəsi ilə məsuliyyətə cəlb edərdi. Lakin İvanişvilinin “Rus-Gürcü Arzusu” şəraitində bu satqın ailə biznesləri ilə, o cümlədən Rusiyada, pul yığır. Onun kürəkəni, bacısının əri, hansısa Vaxtanq Karicaşvili, Uça Mamatsaşvili ilə hissə sahibidir. Əgər siz də kiçikmiqyaslı korrupsioner deyilsinizsə və ya “Rus-Gürcü Arzusu”ndan olanların işbirlikçiləri deyilsinizsə, niyə gizləndiniz ? “Milli Hərəkat”ın satqın Davit Razmadzenin impiçmenti ilə bağlı təşəbbüsünə vaxtında qoşulun!” – Tina Bokuçava yazır.

Məlumat üçün bildirək ki, “Qaxaria Gürcüstan Naminə” partiyası sosial şəbəkədə bəyanat yayıb, bəyanatda qeyd olunub: “Təəssüf ki, “Milli Hərəkat”ın liderləri “Gürcü Arzusu”nun trollarına çevriliblər, fraksiyamız Qori Şəhər Məclisində şəhər məclisinin sədrinin impiçmentini dəstəkləyəcək”.