Bəzilərinin gözünə hər yerdə Mişa görünməsin, dördüncü ildir Putinin əsiridir və Putinin qullarından bu ölkəni xilas etmək istəyir, demokratik qüvvələrin bir-birini yeməsi ilə buna nail olunmaz – “Milli Hərəkat”ın sədri Tina Bokuçava “Federalistlər”in liderlərindən biri Tamar Çerqoleişvilinin paylaşımına bu şəkildə münasibət bildirir.

Bokuçavanın qeyd etdiyi kimi, Mixeil Saakaşvili ölkəni Putindən azad etmək üçün azadlığını və həyatını qurban verir.

“Bəzilərinin gözünə hər yerdə Mişa görünməsin. Dördüncü ildir Putinin əsiridir və yalnız bir şey istəyir – Putinin qullarından bu ölkəni xilas etmək, bunun üçün azadlığını və həyatını qurban verir. Demokratik qüvvələrin bir-birini yeməsi ilə buna nail olunmaz” – Bokuçava yazır.

Məlumat üçün bildirək ki, “Federalistlər”in liderlərindən biri Tamar Çerqoleişvili sosial şəbəkədə yazıb: “Əslində, Burculadze Mişanın “kuklasıdır” və digər odioz fiqurlarla birlikdə ondan Mişanın mərkəzdə olmadığı bütün birlikləri pozmaq üçün istifadə edir, bu təlxəklik bu məqsədə xidmət edir”. Bununla yanaşı, “Rustaveli prospekti” hərəkatının lideri Paata Burculadze bəyan edib ki, oktyabrın 4-ü sadəcə etiraz günü olmayacaq, bu, tarixi qələbə günü olacaq.