Artıq aylardır Gürcüstan Avropa institutları tərəfindən misli görünməmiş media təzyiqi altındadır. Bu hücumlar Tbilisi institutlarının legitimliyini, onun məhkəmə sistemini, eləcə də gürcü seçicisinin suveren seçimini şübhə altına alır – bu haqda avropalı parlamentari Tieri Mariani Avropa Parlamentinin iclasında Gürcüstanda demokratik böhran mövzusunda debatlar zamanı deyib.

Onun sözlərinə əsasən, bu, xarici qeyri-hökumət təşkilatlarının və şəbəkələrin müdaxiləsidir və onların narahatlığı Avropa Parlamenti tərəfindən çatdırılıb.

“Əgər düzgün başa düşmüşəmsə, siz bəyan etdiniz ki, son aylarda bu cür təşkilatların dəstəklənməsi üçün 24 milyon verilib və Gürcüstan hökumətinin devrilməsi arzusunda olmağınız tamamilə doğrudur, çünki o, Avropa Komissiyasının xəbərdarlıqlarını nəzərə almır. Siz onu səhv hərəkətdə günahlandırırsınız, çünki konstitusiya quruluşunu qoruyur və Rusiyadan və ya Avropadan destabilləşmənin bütün cəhdlərinə qarşı çıxır.

Nəticə etibarilə, əgər diqqətlə baxsanız, həqiqətən demokratik böhranı kim şiddətləndirməyə çalışır? Onda düşünürəm ki, günahkarları Brüsseldə axtarmaq daha yaxşı olar. Məsələn, Rumıniyaya baxın, orada prezident seçkiləri mübahisəli səbəblərlə ləğv olundu və ola bilsin, bu, aparıcı namizədin seçkilərdə iştirakına qadağa qoyulduğu Fransada da baş versin” – Mariani bildirib.