The Wall Street Journal yazır ki, Kellogg və Rubio Trampa məsləhət görürlər ki, Putinlə danışıqlarda ehtiyatlı olsun və Moskvanın tələblərinə qarşı daha sərt mövqe tutsun

ABŞ Prezidenti Donald Trampa Marko Rubio və Keith Kellogg çağırış edirlər ki, Rusiyanın Ukraynada sülhə nail olunması ilə bağlı bəyanatlarına ehtiyatla yanaşsın. Bu barədə The Wall Street Journal bir neçə mənbəyə istinadən məlumat yayıb.

Məlumata görə, Trampa bildirilib ki, Rusiya Prezidenti Vladimir Putin hərbi əməliyyatların dayandırılmasına dair səmimi istək göstərməyib.

Anonim mənbələrin bildirdiyinə görə, Kellogg və Rubio Trampa tövsiyə edirlər ki, Putinlə danışıqlarda ehtiyatlı davranmalı və Moskvanın Ukraynanın ərazi güzəştlərinə dair tələbləri ilə bağlı daha sərt mövqe nümayiş etdirməlidir. Lakin Tramp daha çox ABŞ-ın xüsusi nümayəndəsi Steve Witkoff-un fikirlərinə üstünlük verir. Witkoff hesab edir ki, Putin həqiqətən də sülhə can atır.

The Wall Street Journal qeyd edir ki, Rusiyanın Sumı şəhərinə raket zərbəsi Trampın komandasında fikir ayrılığını daha da gücləndirib. Mənbələrin bildirdiyinə görə, Ağ Evdə keçirilən müzakirələr zamanı – ABŞ-ın Rusiyaya qarşı sanksiyaları gücləndirməsinin məqsədəuyğun olub-olmaması barədə – Rubio və Kellogg Trampa məsləhət görüblər ki, Putinin diplomatik niyyətlərinə qarşı ehtiyatlı yanaşsın.