„The Wall Street Journal“ – Donald Tramp Con Retklifi şəxsən Moskvaya göndərib, Ağ Evin köməkçilərinə və hərbi liderlərə məlumat verməyib

ABŞ Mərkəzi Kəşfiyyat İdarəsinin direktoru Con Retklifin Rusiyaya diplomatik missiyası o qədər məxfi olub ki, Ağ Evin bəzi yüksəkvəzifəli şəxsləri belə bundan əvvəlcədən xəbərdar olmayıb.
„The Wall Street Journal“a anonim mənbələr bildiriblər ki, Donald Tramp Mərkəzi Kəşfiyyat İdarəsinin rəhbərini şəxsən Moskvaya göndərib və bu barədə adətən səfərlər haqqında məlumat alan Ağ Evin köməkçilərinə və hərbi liderlərə xəbər verməyib.
Mənbələrin məlumatına görə, Retklif məxfi səfər üçün nömrəsiz C-17 hərbi nəqliyyat təyyarəsindən istifadə edib.
Səfərin məqsədinə gəlincə, „The New York Times“ın məlumatına görə, Con Retklif Rusiyaya gizli şəkildə gedib ki, Moskva ilə Vaşinqtonun Ukraynada davam edən müharibə ilə bağlı sərt qiymətləndirməsini şəxsən bölüşsün və müharibənin başa çatdırılması məqsədilə danışıqlara başlamağın zəruriliyindən danışsın.
Nəşrin mənbələrinin məlumatına görə, Retklif Rusiya hakimiyyətini inandırmaq istəyib ki, ölkənin hərbi və iqtisadi vəziyyəti daha da pisləşməmişdən əvvəl razılaşma əldə etməyin vaxtıdır.