Xaricdə ixtisasartırmanın və peşəkar inkişafın təşviqi məqsədilə həyata keçirilən “Xaricdə ixtisasartırmanın dəstəklənməsi” adlı dövlət qrant proqramı, dövlət qurumlarında və büdcə təşkilatlarında çalışan şəxslərə dövlət qrantı əldə etməyə imkan verir və 2026-cı ildən etibarən yenidən davam etdiriləcək.

Bu barədə məlumatı Gürcüstan Təhsil, Elm və Gənclər Nazirliyi yayıb.

“Mövcud ildə proqramın ikinci elan mərhələsi nəticəsində və komissiyanın qərarına əsasən, dövlət qrantını dövlət qurumlarında və büdcə təşkilatlarında çalışan 18 nəfər əldə edib. Qalib iştirakçılar 2025-ci ilin noyabrından 2026-cı ilin may ayına qədər mərhələli şəkildə dünyanın müxtəlif tədris mərkəzlərinə və universitetlərinə yola düşəcəklər.

Proqram 2014-cü ildən Təhsilin Beynəlxalq Mərkəzi tərəfindən həyata keçirilir, 2026-cı ildən isə proqramın icrasını Gürcüstan Təhsil, Elm və Gənclər Nazirliyinin Beynəlxalq Departamenti davam etdirəcək.

Müsabiqə hər il elan olunacaq və dövlət qurumlarında və büdcə təşkilatlarında çalışan şəxslərə xaricdə peşəkar bacarıqlarını artırmaq və əldə etdikləri biliyi Gürcüstanda, müvafiq işəgötürən qurumda tətbiq etmək imkanı yaradacaq,” – deyə Təhsil Nazirliyinin məlumatında qeyd olunur.