Gürcüstanın Təhsil, Elm və Gənclər Nazirliyi-nin qərarına əsasən, ilk dəfə olaraq 2026-cı ildən müəllimlərə və müəllim olmaq istəyənlərə bir fənn üzrə imtahan əvəzinə eyni vaxtda üçdən çox olmamaq şərtilə bir neçə fənn üzrə qeydiyyatdan keçmək və imtahan vermək imkanı yaradılır. Həmçinin, böyük xüsusi müəllim və baza peşə bacarıqları üzrə imtahanlar da verilə bilər.
Nazirliyin məlumatına görə, bu qərar müəllimlərin fənn üzrə kompetensiyasının sistemli şəkildə gücləndirilməsinə xidmət edir.
“Nəticədə, fənn üzrə kompetensiyanın təsdiqlənməsi tədris standartlarının yüksəldilməsini təmin edir və daha ədalətli, keyfiyyətə yönəlmiş təhsil mühiti yaradır.
Müəllimlər və müəllim olmaq istəyənlər qeydiyyatdan elektron qaydada 20 aprel saat 10:00-dan 6 may saat 18:00-dək Qiymətləndirmə və İmtahanlar Milli Mərkəzi-nin vebsaytı (online.naec.ge) vasitəsilə keçə bilərlər.
Namizədlər nəzərə almalıdırlar ki, test tapşırıqlarının məzmunu eyni olan fənləri seçə bilməzlər (o cümlədən, testlərin xarici dilə tərcümə olunmuş variantları da buna daxildir). Daha ətraflı məlumat üçün Qiymətləndirmə və İmtahanlar Milli Mərkəzinin rəsmi səhifəsinə daxil olmaq tövsiyə olunur”, – deyə nazirliyin məlumatında bildirilir.