İşğal altındakı Abxaziyanın Qali Rayonunun Saberio kəndində yanğın nəticəsində baş vermiş dəhşətli faciə bütün Gürcüstanı sarsıtdı – bu haqda barışıq və vətəndaş bərabərliyi məsələləri üzrə dövlət naziri Tea Axvledianinin başsağlığı mətnində deyilir.

Tea Axvlediani ailəyə başsağlığı verir.

“Bu gün bütün Gürcüstan beş azyaşlı qızın – Emilia, Ana-Maria, Elene, Nia və Sopio Colariaların yasını tutur… İşğal altındakı Abxaziyanın Qali Rayonunun Saberio kəndində yanğın nəticəsində baş vermiş bu dəhşətli faciə bütün Gürcüstanı sarsıtdı. Ailəyə dərin hüznlə başsağlığı verirəm, beş uşağın itkisinin onlara yaşatdığı hədsiz hüzn anında onlara təsəlli vermək çətindir. Onlara dözüm arzulayıram və səmimi başsağlığımı təsdiqləyirəm!” – Tea Axvlediani bildirir.

Yanğın nəticəsində həlak olmuş şəxsləri bu gün dəfn edəcəklər. Gürcüstan hökumətinin qərarı ilə yanvarın 9-u Gürcüstanda matəm günü elan edilib.