“Tbilisini sevməyiniz üçün 10 səbəb” – Bu, Britaniyanın ucuz hava yolu şirkəti easyJet tərəfindən öz uçuş jurnalında “Traveller”də dərc olunan Gürcüstanın paytaxtı haqqında geniş məqalənin adıdır. Və Tbilisinin aviaşirkətin 2025-ci ildə ziyarət ediləcək şəhərlər siyahısına salınmasının səbəbləri haqqında yazır.

“Gürcüstanın paytaxtı populyarlığının zirvəsindədir. Tbilisi cəlb edici şəhərdir, burada daşla döşənmiş küçələri və tarixi şəhər mərkəzi onun çoxəsrlik tarixini vurğulayır. Şəhər çoxsaylı sərgüzəştlər təklif edən təpələrlə əhatə olunub. Tiflisin 2025-ci ildə bizim siyahımıza daxil olmasının səbəbləri bunlardır.

Mövcud olduğu müddətdə bir neçə böyük dövlətin fəth etdiyi paytaxtın memarlığı eklektik və rəngarəngdir. Burada Nikah Sarayı kimi monumental sovet binalarından tutmuş Paris və eyni zamanda Osmanlı üslublu Rustaveli prospektinə qədər hər şeyi tapa bilərsiniz.” – nəşr yazır.

Maraqlıdır ki, 158 səhifəlik nəşrdə Gürcüstanın paytaxtına həsr olunmuş jurnalın əvvəlində səyahət həvəskarlarına gürcü mətbəxi, mədəniyyəti və şərabı haqqında maraqlı məlumatlar verən 3 səhifəlik məqalə yer alıb. Məqalədə şərabın vətəni kimi Gürcüstandan da bəhs edilir, burada qvevridə şərabçılıq mədəniyyəti səkkiz min il əvvələ gedib çıxır.

easyJet martın 31-dən Tbilisi Beynəlxalq Hava Limanında fəaliyyətə başlayacaq və həftədə cəmi altı tezliklə London, Cenevrə və Milana uçuşlar həyata keçirəcək.

Məlumatı Hava Limanları Assosiasiyası yayıb.