Tbilisidə qəsdən sağlamlığa az ağır zərər vurma və qrup halında törədilmiş zorakılıq ittihamı ilə dörd nəfəri saxlayıblar

Daxili İşlər Nazirliyinin Tbilisi Polis Departamentinin Dzveli Tbilisi Baş Bölməsinin əməkdaşları qəsdən sağlamlığa az ağır zərər vurma və qrup halında törədilmiş zorakılıq ittihamı ilə dörd nəfəri: 2004-cü il təvəllüdlü Z.T., 2000-ci il təvəllüdlü N.D., 1990-cı il təvəllüdlü Ş.Ş. və 1997-ci il təvəllüdlü R.M.-ni saxlayıblar.

Daxili İşlər Nazirliyinin məlumatına əsasən, istintaqla müəyyən edilib ki, təqsirləndirilən şəxslər cari ilin fevralın 7-də Tbilisidə qarşılıqlı mübahisə zəminində 1990-cı il təvəllüdlü V.A.-ya qəsdən az ağır zərər vurublar, 1988-ci il təvəllüdlü P.K. və 1990-cı il təvəllüdlü Q.Z.-yə qarşı fiziki təhqirə yol veriblər.

“Yaralıları müvafiq tibbi yardım göstərilməsi üçün klinikaya aparıblar.

Hüquq-mühafizə orqanlarının əməkdaşları aparılan əməliyyat tədbirləri və istintaq hərəkətləri nəticəsində cinayətdə ittiham olunan 4 nəfərin hamısını “isti izlər”lə saxlayıblar.

İstintaq Cinayət Məcəlləsinin 118-ci maddəsinin ikinci hissəsi və 126-cı birinci prima maddəsinin “b” və “q” yarımbəndləri ilə aparılır, bu isə altı ilə qədər azadlıqdan məhrum etməni nəzərdə tutur” – məlumatda qeyd olunub.