Tbilisi Polisi xüsusilə külli miqdarda, 297 bağlama narkotik vasitə və 491 həb psixotrop maddəni ələ keçirib, bir nəfər saxlanılıb

Daxili İşlər Nazirliyinin Tbilisi Polis Departamentinin əməkdaşları külli və xüsusilə külli miqdarda narkotik vasitə və psixotrop maddənin qanunsuz əldə edilməsi, saxlanılması və satışına kömək etmə ittihamı ilə 1991-ci il təvəllüdlü B.A.-nı saxlayıblar. Məlumatı DİN yayır.

Qurumun məlumatına əsasən, hüquq-mühafizə orqanlarının əməkdaşları Ponicala yaşayış məntəqəsində narkotik cinayəti ittihamı ilə saxlanılan şəxsin üzərində və yaşayış evində axtarış zamanı, maddi sübut kimi xüsusilə külli miqdarda — 297 bağlama şəklində qablaşdırılmış, satış üçün hazırlanmış narkotik vasitə və 491 həb psixotrop maddəni ələ keçiriblər.

İstintaq Cinayət Məcəlləsinin 260, 260.4 (kvarta) və 261-ci maddələri ilə aparılır, bu isə 20 ilə qədər və ya ömürlük azadlıqdan məhrum etməni nəzərdə tutur.