Metexi Körpüsünün tam reabilitasiyasına başlanır, – bu barədə paytaxt meri, Kaxa Kaladze Tbilisi munisipaliteti hökuməti iclasında bəyan etdi.

Elə onun dediyinə görə, iş prosesində Metexi Körpüsünün arealı və həndəvər ərazisində avtomobil hərəkəti qismən məhdudlaşdırılacaq.

“Tbilisi Meriyası Metexi Körpüsünün tam reabilitasiyasına başlayır. Bu, bizim seçkiqabağı vədimiz idi. Paytaxtda təmirə ehtiyacı olan körpülərimiz var. Bu mərhələdə Metekhi körpüsü ilə başlayırıq. Layihə çərçivəsində yolun hərəkət hissəsinə yeni asfalt-beton örtüyünün döşənməsi, səkilərin yenilənməsi və təbii daş plitələrlə üzlənməsi işləri aparılacaq. Həmçinin fasadların və tağların möhkəmləndirilməsi və islənilməsi nəzərdə tutulur. Bundan başqa, körpünün üzərindəki çuqun məhəccərlər də görünüşünə görə daim yenilənəcək. Planlaşdırılmış işlərlə əlaqədar Metexi Körpüsü və həndəvər ərazilərdə avtomobillərin hərəkəti vaxtaşırı, qismən məhdudlaşdırılacaq. İşlər təxminən on gün ərzində başlayacaq. Yolun hərəkət hissəsinin bağlanması ilə bağlı sizə əvvəlcədən məlumat veriləcək”, – Kaladze bəyan etdi.

Onun sözlərinə görə, qeyd olunan layihənin dəyəri iki milyon laridir.

“Layihənin dəyəri təxminən iki milyon laridir. İşlər başa çatdıqdan sonra Metexi Körpüsü hərtərəfli təmir olunacaq və yenilənəcək”, – Tbilisi meri qeyd etdi.