Tbilisi ilə Bakı arasında Qardaşlıq Memorandumu imzalandı

Tbilisi ilə Bakı arasında qardaşlıq haqqında  memorandum imzalandı. Tbilisi meri Kaxa Kaladzenin Bakıdakı icra hakimiyyətinin başçısı Eldar Əzizovla Azərbaycanda keçirdiyi görüş zamanı bildirdiyi kimi, memorandumun imzalanması böyük əhəmiyyətə malikdir.

Onun sözlərinə görə, hazırda Tbilisi 20 şəhərlə qardaşdır.

“Bakı Tbilisi üçün 21-ci qardaş şəhər olacaq. Bu, Gürcüstan və Azərbaycan arasında çoxəsrlik münasibətlərin dərinləşməsinə böyük töhfə verəcək. Münasibətlərimizin müxtəlif sahələrdə daha maraqlı və mehriban olmasına şərait yaradacaq ” dedi Kaladze.

Əzizov, öz növbəsində, Gürcüstan-Azərbaycan arasında çoxdankı dostluq və mehriban qonşuluq münasibətlərinin olduğunu qeyd edib.

Bu gün ölkələr arasında münasibətlər bir çox sahələrdə inkişaf edir. İkitərəfli səfərlər əlaqələrimizin daha da inkişafı üçün yeni imkanlar yaradır. Tbilisi  və Bakı 1997-ci ildən bəri tərəfdaş şəhərlərdir.