Tbilisi-də Pasxa bayramı ilə əlaqədar metro 12 aprel saat 04:00-a qədər işləyəcək və 11 aprel 23:00-dan 12 aprel 04:00-a qədər gediş haqqı pulsuz olacaq. Məlumatı Tbilisi City Hall yayıb.

Bununla yanaşı, meriyanın qərarı ilə 12–13 aprel tarixləri üçün 9 müvəqqəti avtobus marşrutu da tətbiq olunub.

“Avtobuslar sərnişinləri 08:00-dan 20:00-a qədər Muxatqverdi, Vaşlijvari, Kukiya, Yeni Kukiya, Maxata, Saburtalo, Qhrmaghele, Veli və Varketili qəbiristanlıqları istiqamətinə daşıyacaq.

Avtobuslar metro stansiyalarından: “Marjanishvili”, “Delisi”, “Sarajishvili”, “Varketili” yaxınlığından, həmçinin “Didube” yuxarı çıxışı, “Stansiya Meydanı” (“Tbilisi Central” qarşısı), Bessarion Çiçinadze küçəsi (N25 bina qarşısı) və Varketili III massivindən – Şuamta və Abashvili küçələrinin kəsişməsindən hərəkət edəcək.

Bu marşrutlarda avtobuslardan vətəndaşlar iki gün ərzində pulsuz istifadə edəcəklər,” – Tbilisi City Hall məlumatında qeyd olunub.