Tbilisi Beynəlxalq Aeroportu: Sərnişinlərin gözləmə zonası tam açılıb, məhdudiyyətlər aradan qaldırılıb, heç bir reysdə gecikmə olmayıb
Tbilisi Beynəlxalq Aeroportunun gəliş terminalında yerləşən sərnişinlərin gözləmə sahəsi artıq tam istifadəyə verilib. Bu barədə aeroport administrasiyasının yaydığı məlumatda bildirilib.
Məlumata görə, hazırda sərnişinlərə xidmət prosesinə cəlb olunan bütün bölmələr normal rejimdə fəaliyyət göstərir.
“Əlverişsiz meteoroloji şəraitin yaratdığı texniki problemlər səbəbindən, təhlükəsizlik protokollarına uyğun olaraq, gecə boyunca gözləmə sahəsinin bir hissəsi bağlı olub. Bir neçə saat ərzində gələn sərnişinlər alternativ çıxışdan istifadə ediblər.
Hazırda sərnişin xidmətləri ilə bağlı bütün bölmələr adi rejimdə işləyir və tətbiq olunan məhdudiyyətlər ləğv edilib. Sözügedən səbəbdən Tbilisi Beynəlxalq Aeroportunda heç bir reysdə gecikmə və ya pozuntu baş verməyib.
Sərnişinlərə yaranmış narahatlığa görə üzr istəyirik”, – deyə Tbilisi Beynəlxalq Aeroportunun məlumatında qeyd olunub.