Tarixdə ilk dəfə Kubada temperatur sıfır dərəcəyə qədər düşüb.

Kuba Milli Meteorologiya İnstitutunun məlumatına əsasən, temperaturun rekord həddə azalması ölkənin qərb hissəsində qeydə alınıb.

“Səhər saat 04:00-da Matansas əyalətində İndio Hatuey meteoroloji stansiyası minimal temperaturu 0.1 dərəcə göstərib. Temperatur düşməyə davam edib və səhər saat 07:00-da 0 dərəcə qeydə alınıb. Bu, minimal temperaturun milli rekordudur. Əvvəlki rekord temperatur 0.6 dərəcə 1996-cı ilin fevralın 18-də Bainoa stansiyasında qeydə alınmışdı” – Kubanın Milli Meteorologiya İnstitutunun bəyanatında yazılıb.

Meteoroloqlar izah ediblər ki, Kuba Arktika mənşəli çox soyuq və quru hava kütləsinin təsiri altındadır.