Hesablara həbs qoyulması qərarı praktiki olaraq təşkilatların institusional və maliyyə iflici deməkdir, “Gürcü Arzusu” istəyir ki, biz artıq vətəndaşlara və sosial qruplara dəstək verməyə davam edə bilməyək – bu barədə “Sosial Ədalət Mərkəzi”nin rəhbəri Tamta Mikeladze sosial şəbəkədə yazıb.

Mikeladze prokurorluqda cari istintaq çərçivəsində bir neçə qeyri-hökumət təşkilatının bank hesablarına həbs qoyulmasına münasibət bildirib. https://1tv.ge/lang/az/news/prokurorlugda-jari-istintag-jerjivesinde-bir-neje-geyri-hokumet-teskilatinin-bank-hesablarina-hebs-goyulub/

“Dostlar, bilirəm ki, vətəndaş cəmiyyəti təşkilatlarının başına gələnlərə görə çoxunuz narahatsınız. Bu gün səhər biz hesablara həbs qoyulduğunu aşkar etdik. Əvvəlcə düşündük ki, bu, Antikorrupsiya Bürosunun proseduru çərçivəsində baş verib, lakin sonda prokurorluğun ictimai bəyanatından öyrəndik ki, bizim və digər təşkilatların hesablarına prokurorluğun vasitəçiliyi ilə dırnaqarası sabotajın istintaqı çərçivəsində həbs qoyulub. Bu ittiham o qədər cəfəngdir ki, onun sübuta yetirilməsi yəqin ki, heç lazım deyil, lakin bu barədə daha ətraflı sonra yazacağıq. Bununla yanaşı, bu qərar praktiki olaraq təşkilatların institusional və maliyyə iflici deməkdir. “Gürcü Arzusu” istəyir ki, biz artıq vətəndaşlara və sosial qruplara dəstək verməyə davam edə bilməyək və dayanaq, onların cinayətlərini, ədalətsizliklərini ifşa etməyək və cəmiyyət daxilində artıq həmrəylik qurmayaq. Viza rejiminin liberallaşdırılması məsələsində son tarixə (31 avqust) cəmi bir neçə gün qalmış vətəndaş cəmiyyətinin məhv edilməsi qərarının nə məna verə biləcəyi, ayrıca böyük məsələdir. Praktiki olaraq, bu, “Gürcü Arzusu” tərəfindən Brüssel ilə münasibətlərin gərginləşdirilməsidir və bu prosesi tam şəkildə sabotaj etməkdir” – Tamta Mikeladze yazır.