İqtisadiyyat və dayanıqlı inkişaf nazirinin müavini Tamar İoselianinin bəyanatına əsasən, Anaklia dərin dəniz limanı 2029-cu il üçün ilk gəmini qəbul edəcək. Bu haqda Tamar İoseliani “İpək Yolu Forumu” çərçivəsində keçirilən – “Gürcüstanın daha çox əlaqəliliyi üçün infrastruktur layihələri” panel müzakirəsində danışıb.

“Anaklia liman deyil, müəyyən istiqamətdə xidmət göstərmək üçün platformadır. Anaklia dəniz limanının yaxınlığında lazımi infrastruktur yaradılmış olacaq və iş rejiminin nəyi tələb etməsinə əsasən yeniliklərin tətbiqinə diqqət yetiriləcək” – nazir müavini deyib.

Tamar İoselianinin izah etdiyi kimi, burada kifayət qədər davamlı infrastrukturdan söz gedir.

“Biz bu limanın ölkəyə hansı faydanı gətirəcəyini artıq konkret olaraq bilirik. İlkin mərhələdə təxminən 300 iş yeri artıq açılıb və düşünürük ki, bu, ilkin mərhələdə iş yerlərinin sayı minə çatacaq” – Tamar İoseliani qeyd edib.

İqtisadiyyat və dayanıqlı inkişaf nazirinin müavininin izahatına əsasən, Gürcüstan hökuməti bu layihəyə fəal şəkildə sərmayələr qoyur.

“Anaklia limanı Gürcüstanın gələcəyə baxmaq cəhdində yeganə layihə deyil” – iqtisadiyyat və dayanıqlı inkişaf nazirinin müavini bildirib.

Məlumatı İqtisadiyyat Nazirliyinin mətbuat xidməti yayır.