Ümumi, universal səs hüququnu ləğv etmələri təhlükədir, çünki məlumatsız cəmiyyət Gürcüstanda da var, məsələn, 2013-cü ildə keçirilən sorğuda “Gürcü Arzusu”nun müxalifət olduğunu düşünən 6% var idi – bu haqda “Federalistlər”in lideri Tamar Çerqoleişvili deyib.

O bildirib ki, qeyd olunan fakt səs hüququnun universallığına toxunur.

“Bunda təəccüblü heç nə yoxdur, çünki bu, avtokratik rejimdir və bizi nə iləsə təəccübləndirə biləcək həddi keçib. Onlar sadəcə olaraq əslində olduqları imici rəsmi şəkildə təsdiqlədilər və rejimin universal səs hüququnu ləğv etdiyini tərəfdaşlarımıza, eləcə də ölkə daxilində göstərmək üçün daha bir sənədimiz var” – Çerqoleişvili bildirib.

Qeyri-rezident vətəndaşlar üçün seçkilərdə səsvermə qaydası dəyişir. Gürcüstan Parlamentinin sədrinin izahatına əsasən, yeganə şərt dörd ildə bir dəfə vətəndə səs vermək olacaq.