Suriya prezidenti Əhməd əl-Şəraa sentyabr ayında ABŞ-a gedəcək və Birləşmiş Millətlər Təşkilatının Baş Assambleyasının iclasında iştirak edəcək. Bu, 1967-ci ildən bəri Suriya prezidentinin BMT-yə ilk səfəri olacaq.

Bu səfər Əl-Şəraa ilə ABŞ prezidenti Donald Tramp arasında 2025-ci ilin may ayında Səudiyyə Ərəbistanında keçirilmiş tarixi görüşdən sonra baş tutacaq. Həmin görüş ABŞ və Suriya liderləri arasında 25 ildən artıq müddətdə baş tutmuş ilk birbaşa görüş idi.

Səudiyyə Ərəbistanının vəliəhdi Məhəmməd bin Salmanın vasitəçiliyi ilə təşkil olunmuş bu görüş ABŞ-ın Suriya siyasətində dönüş nöqtəsi kimi qiymətləndirilir və Əl-Şəraa-nın BMT-dəki çıxışının əsas dəstəkləyici amili hesab olunur.

Donald Tramp ABŞ-ın Suriya əleyhinə tətbiq etdiyi bütün sanksiyaların ləğv olunduğunu elan edib.