Sulxan Tamazaşvili Gürcüstanda Ermənistanın fövqəladə və səlahiyyətli səfiri Ashot Smbatyan ilə tanışlıq xarakterli görüş keçirib.

Görüş çərçivəsində tərəflər iki ölkə arasında mövcud sıx və effektiv əməkdaşlıq məsələlərini müzakirə edib və tərəfdaşlıq münasibətlərinin daha da möhkəmləndirilməsinin əhəmiyyətini vurğulayıblar.

Söhbət həmçinin regionda baş verən proseslərə və təhlükəsizlik sahəsində mövcud məsələlərə də toxunub.

Tərəflər Gürcüstan və Ermənistanın hüquq-mühafizə orqanları arasında mövcud məhsuldar əməkdaşlığı qeyd edib və gələcəkdə də tərəfdaşlıq əlaqələrinin daha da genişləndirilməsi üçün birgə işin davam etdirilməsinə hazır olduqlarını bildiriblər.

Məlumatı Gürcüstan Daxili İşlər Nazirliyinin mətbuat xidməti yayıb.