Sülh razılaşmasına əsasən, minlərlə fələstinli Qəzza sektorunun şimal hissəsinə qayıtmağa başlayıb

 
Sülh razılaşmasına əsasən, minlərlə fələstinli Qəzza sektorunun şimal hissəsinə qayıtmağa başlayıb.

Bundan əvvəl İsrail ordusu bəyanat yayaraq Qəzza sakinlərinin saat 07:00-dan etibarən Netzarim dəhlizi ilə geri qayıda biləcəyini bildirmişdi.

Qəzza sektorunun sakinlərinin Netzarim yolu və Rəşid küçəsi ilə piyada qayıtmaq hüququ var.

Nəqliyyat vasitələrinin şərqə, Salah ad-Din küçəsində təhlükəsizlik yoxlamalarından sonra saat 09:00-dan etibarən keçməsinə icazə verilir.

Həmçinin, İsrail ordusu Qəzza əhalisinə bir sıra xəbərdarlıqlar edib, o cümlədən: Qəzzanın şimalına terror ünsürləri və ya silah daşımasınlar; Qəzzada və ya İsrail ərazisində İsrail Müdafiə Qüvvələrinin mövqelərinə və qoşunlarına yaxınlaşmasınlar; Qəzzanın cənubunda Rafah keçidinə və Filadelfiya dəhlizi ərazisinə yaxınlaşmasınlar və yaxın günlərdə Aralıq dənizində çimməsinlər, suya dalmasınlar və balıq tutmasınlar.