Böyük Britaniyanın Avropa məsələləri üzrə dövlət naziri, Stiven Daut Gürcüstanın Gənc Hüquqşünaslar Assosiasiyasını Böyük Britaniya və ATƏT-in yeddi tərəfdaşı tərəfindən təqdim olunan “Demokratiyanın Müdafiəçisi” mükafatını qazanması münasibətilə təbrik edib. Bu barədə Dautinin Böyük Britaniyanın Gürcüstandakı səfirliyi tərəfindən yayılan bəyanatında deyilir.

“Gürcüstanın Gənc Hüquqşünaslar Assosiasiyasını Böyük Britaniya və ATƏT-in yeddi tərəfdaşı tərəfindən təqdim olunan “Demokratiyanın Müdafiəçisi” mükafatını qazanması münasibətilə təbrik edirəm. Gürcüstanın Gənc Hüquqşünaslar Assosiasiyası repressiv qanunvericiliyin artan təzyiqi altında olan Gürcüstanda hüquq müdafiəçiləri və vətəndaş cəmiyyəti təşkilatlarına mühüm yardım göstərir.

Aylarla davam edən demokratik geriləmə, özbaşına həbslər və nümayişçilərə, siyasətçilərə və jurnalistlərə qarşı həddindən artıq güc tətbiqindən sonra “Gürcü Arzusu” Avropa yoluna qayıtmağı və seçicilərinin demokratik istəklərini müdafiə etməyi planlaşdırmır.

Gürcüstan hakimiyyətini təcridçi davranışdan imtina etməyə çağırıram və gürcü xalqının fundamental hüquqlarının qorunmasının mühüm işində Gürcüstanın Gənc Hüquqşünaslar Assosiasiyasına təşəkkür edirəm” – bəyanatda deyilir.