ABŞ Prezidentinin Donald Trumpın xüsusi nümayəndəsi Steve Witkoff və Jared Kushner 25 aprel səhər Pakistan’a İranla danışıqlar aparmaq üçün yola düşəcəklər, – bu barədə Ağ Evin mətbuat katibi Karoline Leavitt bildirib.

Leavitt qeyd edib ki, Amerika tərəfi ilə iranlılar əlaqə saxlayaraq şəxsi görüş istəyiblər.

Ağ Evin sözçüsünün məlumatına görə, vasitəçilik rolunu yenə pakistanlılar yerinə yetirəcək.

“Vitse-prezident hələ də bütün prosesdə fəal şəkildə iştirak edir və o, burada, ABŞ-da prezident, dövlət katibi Marco Rubio və milli təhlükəsizlik komandasının üzvləri ilə birlikdə yeniliklərdən xəbərdar olacaq. Təbii ki, lazım olarsa, hamı Pakistana uçmağa hazır olacaq. Son bir neçə gün ərzində İran tərəfindən müəyyən irəliləyiş gördük. Bir daha qeyd edirəm ki, prezident Stiv və Jaredi iranlıları dinləmək üçün göndərmək qərarını verib, ona görə də onların nə deyəcəyini görəcəyik”, – deyə Karoline Leavitt bildirib.