İşğal olunmuş ərazilərdən məcburi köçkünlərin, Əmək, Səhiyyə və Sosial Müdafiə Nazirliyinin məlumatına görə, sosial yardım sisteminin maksimum ünvanlılığı və effektivliyini təmin etmək məqsədilə sosial müdafiəyə ehtiyacı olan ailələrin məlumat bazasının yenidən yoxlanılmasına başlanılır.

Qurumun bildirdiyinə əsasən, bununla əlaqədar səhiyyə naziri Mixeil Sarjveladze müavinləri ilə birlikdə parlament üzvlərinə ətraflı məlumat verib və tərəflər prosesin obyektiv və səmərəli şəkildə aparılması yollarını müzakirə ediblər.

Mixeil Sarjveladzenin sözlərinə görə, qurumun əsas məqsədi bazada yalnız dövlət dəstəyinə həqiqətən ehtiyacı olan ailələrin qalmasını təmin etməkdir.

“2026-cı ilin məlumatlarına əsasən, bazada ümumilikdə 400 minə yaxın ailə qeydiyyatdadır. Lakin mövcud məlumatlar vətəndaşların real sosial-iqtisadi vəziyyətini tam əks etdirmir, çünki illər ərzində qeydiyyatda olan şəxslərin vəziyyəti sistemli və müntəzəm şəkildə yoxlanılmayıb. Sosial Xidmətlər Agentliyi tərəfindən aparılan təhlil nəticəsində müəyyən edilib ki, məlumat bazasında yüksək gəlirə malik minlərlə şəxs qeydiyyatdadır. Sosial yardımın faktiki olaraq artıq dövlət dəstəyinə ehtiyacı olmayan şəxslərə təyin edildiyi halları da aşkarlanıb”, – deyə nazirliyin məlumatında bildirilir.