Son üç həftə ərzində ilk dəfə olaraq “Brent” markalı neftin bir barelinin qiyməti 110 dolları keçib.
Brent neftinin qlobal referans qiyməti səhər ticarəti zamanı 2,7% artaraq bir barel üçün 111,2 dollar olub. ABŞ-ın referans neft qiyməti isə 2,3% artaraq 98,5 dollar səviyyəsinə yüksəlib.
CNN-in məlumatına görə, treyderlər ABŞ və İran arasında müharibənin dayandırılması və həyati əhəmiyyət daşıyan Hörmüz boğazı-nın tam açılması ilə bağlı razılaşmanın yaxın olmamasından narahatdırlar.
“Dalana dirənmə və boğazın bağlanması neft qiymətlərinə mənfi təsir göstərməyə davam edir. Boğaz nə qədər uzun müddət bağlı qalarsa, bu, qlobal iqtisadiyyata bir o qədər mənfi təsir edəcək”, – deyə investisiya bankı Jefferies-in iqtisadçısı Mohit Kumar bildirib.