Slovakiya Prezidentinin sarayında Gürcüstan Prezidenti Mixeil Kavelashvilinin rəsmi qarşılanma mərasimi keçirilib.

Mixeil Kavelashvili və Gürcüstan nümayəndə heyətini Slovakiya Respublikasının Prezidenti Peter Pelleqrini qəbul edib. Rəsmi səfər çərçivəsində Mixeil Kavelashvili ilə Peter Pelleqrini arasında təkbətək və geniş tərkibdə görüşlərin keçirilməsi planlaşdırılır, bundan sonra media üçün birgə bəyanat veriləcək.

Gürcüstan Prezidenti, həmçinin Slovakiya Respublikasının baş nazir müavini Denisa Sakova və Milli Şuranın sədri Rixard Raşi ilə də görüşəcək.

Gürcüstan nümayəndə heyətinin tərkibinə daxildir: Gürcüstan parlamentinin Xarici əlaqələr komitəsinin sədri Nikoloz Samxaradze, Gürcüstan xarici işlər nazirinin müavini Giorgi Zurabaşvili, Gürcüstanın Slovakiya Respublikasındakı fövqəladə və səlahiyyətli səfiri Konstantine Kvaçakidze və Gürcüstan Prezidentinin Administrasiyasının nümayəndələri.