ABŞ-Çin münasibətləri çox məhsuldar ola bilər. Bu haqda ABŞ-nin xəzinədarlıq katibi Skot Besent bildirib.

Skot Besentin bəyanatına əsasən, ABŞ və Çin arasındakı münasibətlər “hazırda çox rahatdır”.

“Biz rəqib olacağıq, lakin bu rəqabətin ədalətli olmasını istəyirik. Çindən uzaqlaşmaq istəmirik, lakin riskləri azaltmağa ehtiyacımız var” – Besent bildirib.

ABŞ-nin xəzinədarlıq katibi həmçinin qeyd edib ki, Amerika və Çin həmişə rəqib olacaqlar. Onun sözlərinə əsasən, Amerika Birləşmiş Ştatları hazırda Çinin dominantlıq etdiyi strateji sənaye sahələrində suverenliyi bərpa etmək üçün çalışır. Bu vacib mineralları, yarımkeçiricilər və dərmanları əhatə edir.

“Biz hər zaman rəqib olacağıq. Və inanıram ki, rəqabət səni daha yaxşı edir, durğunluqdan qoruyur” – Skot Besent bildirib.