Sinoptiklərin proqnozuna görə, 3–4 sentyabrda Gürcüstanda arabir yağış və ildırım gözlənilir

12:00, 02.09.2025

Ətraf Mühitin Milli Agentliyi 3–4 sentyabr tarixlərində Gürcüstanda gözlənilən hava şəraiti ilə bağlı məlumat yayıb.

Sinoptiklərin proqnozuna əsasən, bu müddətdə ölkə ərazisində arabir yağış və ildırım müşahidə olunacaq.

“3 və 4 sentyabrda Gürcüstanda arabir yağış və ildırım gözlənilir, bəzi yerlərdə güclü olacaq, dolu və küləyin güclənməsi mümkündür, dənizdə isə 3–4 ballıq fırtınalı dalğalanma ehtimal olunur.

Gözlənilən yağıntılar Gürcüstanın kiçik çaylarında selə, həmçinin təpəlik və dağlıq zonalarda sürüşmə və sel proseslərinin yaranıb-aktivləşməsinə səbəb ola bilər (təhlükə səviyyəsi orta)”, – deyə Ətraf Mühitin Milli Agentliyi bildirib.

Müəllif - Emil Aliyev

İctimaiyyət