Sinoptiklərin proqnozuna əsasən, Yeni il günlərində Gürcüstanda soyuq və qarlı hava şəraiti qorunub saxlanacaq

Milli Ətraf Mühit Agentliyi Yeni il günlərində gözlənilən hava proqnozu ilə bağlı məlumat yayır.

Sinoptiklərin proqnozuna əsasən, yanvarın 3-nə qədər Gürcüstanda soyuq və vaxtaşırı yağıntılı hava şəraiti qorunub saxlanacaq.

“Tbilisidə dekabrın 31-də günün sonunda ola bilsin zəif sulu qar müşahidə olunsun, yanvarın 1-i günün ikinci yarısından isə yanvarın 2-si səhərədək qar gözlənilir. Havanın temperaturu gecə saatlarında 0, −2, gündüz saatlarında isə +2, +4 dərəcə qeydə alınacaq.

Sahil rayonlarında (Batumi, Kobuleti, Anaklia, Poti): Havanın yağıntılı olacağı gözlənilir, əsasən qar şəklində. Havanın temperaturu gecə saatlarında 0,+2, gündüz saatlarında +5, +7 dərəcə qeydə alınacaq.

Qərbi Gürcüstanın aran rayonlarında (Zestaponi, Kutaisi, Samtredia, Zuqdidi, Martvili, Ozurqeti): Havanın yağıntılı olacağı gözlənilir, əsasən qar şəklində. Havanın temperaturu gecə saatlarında 0,-2, gündüz saatlarında +4, +6 dərəcə qeydə alınacaq.

Qərbi Gürcüstanın dağlıq rayonlarında (Ambrolauri, Oni, Tsaqeri, Şovi, Çiatura, Saçxere, Xulo, Rikoti dağ keçidi): Qar və çovğun gözlənilir. Havanın temperaturu gecə saatlarında -5,-7, gündüz saatlarında 0, -2 dərəcə qeydə alınacaq.

Qərbi Gürcüstanın yüksək dağlıq rayonlarında (Mestia, Baxmaro): Qar və çovğun gözlənilir. Havanın temperaturu gecə saatlarında -8,-10, gündüz saatlarında -3, -5 dərəcə qeydə alınacaq.

Kartlidə (Rustavi, Bolnisi, Marneuli, Qardabani, Qori, Sxinvali): Bəzi yerlərdə qar gözlənilir. Havanın temperaturu gecə saatlarında -2,-4, Şida Kartlidə -7,-9, gündüz saatlarında isə +2, +4 dərəcə qeydə alınacaq.

Kaxetidə (Saqareco, Telavi, Qurcaani, Siğnaği, Laqodexi, Ğvareli, Axmeta, Dedoplistsğaro): Bəzi yerlərdə qar gözlənilir. Havanın temperaturu gecə saatlarında -3,-5, gündüz saatlarında +2, +4 dərəcə qeydə alınacaq.

Şərqi Gürcüstanın dağlıq rayonlarında (Axaltsixe, Borcomi, Duşeti, Tianeti, Pasanauri): Qar və çovğun gözlənilir. Havanın temperaturu gecə saatlarında -10,-12, gündüz saatlarında 0, -2 dərəcə qeydə alınacaq.

Şərqi Gürcüstanın yüksək dağlıq rayonlarında (Axalkalaki, Tsalka, Bakuriani, Qudauri, Omalo): Qar və çovğun gözlənilir. Havanın temperaturu gecə saatlarında -13,-15, gündüz saatlarında -3, -5 dərəcə qeydə alınacaq” – Milli Ətraf Mühit Agentliyinin yaydığı məlumatda deyilir.