Sinoptiklərin proqnozuna əsasən, iyulun 18-19-da Şərqi Gürcüstanda yağıntılı hava şəraiti gözlənilir, dolu düşə və külək güclənə bilər

Milli Ətraf Mühit Agentliyi iyulun 18-19-da Gürcüstanda gözlənilən hava şəraiti ilə bağlı xəbərdarlıq yayır.

“İyulun 18-i günün sonundan iyulun 19-u günün birinci yarısınadək Şərqi Gürcüstanda arabir yağış yağacağı, Samtsxe-Cavaxeti, Mtsxeta-Mtianeti, Kvemo Kartli və Kaxeti regionlarında bəzi yerlərdə güclü olacağı gözlənilir. Şimşək çaxa, dolu düşə və külək güclənə bilər.

Gözlənilən güclü yağıntılar Şərqi Gürcüstanın çaylarında suyun səviyyəsinin əhəmiyyətli dərəcədə artmasına, Mtsxeta-Mtianeti və Kaxetinin kiçik çaylarında daşqınlara, təpəlik və dağlıq zonalarda isə sürüşmə və sel proseslərinin yaranmasına və aktivləşməsinə səbəb ola bilər (təhlükə səviyyəsi orta)” – Milli Ətraf Mühit Agentliyinin yaydığı məlumatda deyilir.