Hörmüz boğazında normal hərəkət qorunmalıdır – bu haqda Çin Prezidenti Si Dzinpin Səudiyyə Ərəbistanının vəliəhdi və baş naziri Mohamed bin Salmanla telefon danışığı zamanı bildirib.

Çin Prezidentinin sözlərinə əsasən, Hörmüz boğazında sərbəst hərəkət region ölkələrinin və beynəlxalq ictimaiyyətin ümumi maraqlarına xidmət edir.

Si Dzinpinin qeyd etdiyi kimi, Çin Səudiyyə Ərəbistanı ilə münasibətlərin inkişafına böyük əhəmiyyət verir və hər zaman qarşılıqlı hörmət, bərabərlik və qarşılıqlı faydalı prinsipləri dəstəkləyir.

Yaxın Şərq və Fars körfəzi bölgəsində mövcud vəziyyətlə əlaqədar Si Dzinpin bildirib ki, Çin dərhal, hərtərəfli atəşkəsi, sülhün bərpasına yönəlmiş bütün səyləri dəstəkləyir və mübahisələrin siyasi və diplomatik vasitələrlə həllinə hələ də sadiq qalır.