Si Dzinpin – Çin, Rusiya və ABŞ liderlərinin yığıncağı tarixdə ilk hadisədir və dönüş nöqtəsi əhəmiyyətinə malikdir

13:58, 19.11.2026

 

Çin, Rusiya və ABŞ liderlərinin yığıncağı tarixdə ilk belə hadisədir və dönüş nöqtəsi əhəmiyyətinə malikdir — bu barədə Çin Prezidenti Si Dzinpin ABŞ Prezidenti Donald Tramp və Rusiya Prezidenti Vladimer Putinlə görüş başlamazdan əvvəl açıqlayıb.

Si Dzinpin, üç ölkənin qlobal çağırışların öhdəsindən gəlmək üçün birlikdə çalışmalı olduğunu bildirib.

“Tarixdən dərs almalıyıq. Çətinliklər əsl məsuliyyəti üzə çıxarır” — Çin Prezidenti qeyd edib.

Si Dzinpinin sözlərinə əsasən, bəşəriyyət hamının taleyinin bir-birinə bağlı olduğu vahid “qlobal kənddə” yaşayır.

“Qlobal kənddə böyük dövlətlərin üzərinə xüsusi məsuliyyətlər düşür” — Çin Prezidenti qeyd edib.

Si Dzinpinin bəyanatına əsasən, son illər Çin böyük dövlətlər arasında həm tərəflərin özlərinə, həm də bütövlükdə dünyaya fayda gətirəcək dinc yanaşı yaşama, ümumi sabitlik və balanslaşdırılmış inkişafla səciyyələnən münasibət formasını dəstəkləyir. Çin Prezidenti tərəfləri qlobal çağırışların öhdəsindən gəlmək üçün əməkdaşlıq etməklə, sülhü və sabitliyi dəstəkləməklə dünyanın qalan hissəsinə nümunə olmağa çağırıb.

“Çin, Rusiya və Birləşmiş Ştatlar qlobal çağırışların öhdəsindən gəlmək üçün əməkdaşlıq etməklə başqalarına nümunə olmalı, dünyada sülhü və sabitliyi birgə təmin etməli, eləcə də bəşəriyyətin tərəqqisinə daha böyük töhfə verməlidirlər” – Si Dzinpin qeyd edib.

Oxşar