Seuta anklavında yaranmış vəziyyətlə əlaqədar Fransa İspaniya ilə sərhəd nəzarətini gücləndirib

Fransanın daxili işlər naziri Loran Nunes bildirib ki, İspaniyanın Şimali Afrikadakı anklavında yaranmış böhran səbəbindən İspaniya ilə sərhəddə nəzarət gücləndirilib.

Nunesin sözlərinə görə, İspaniya sərhədində nəzarətin sərtləşdirilməsi üçün təcili tədbirlər görülüb.

“Seuta anklavında yaranmış vəziyyəti nəzərə alaraq, dünən axşam İspaniya sərhədində nəzarətin dərhal gücləndirilməsi barədə göstəriş verdim. Bundan əlavə, hərtərəfli yoxlamaların aparılması üçün sərhədin sürətli reaksiya qüvvələrini göndəririk”, – deyə Fransanın daxili işlər naziri bildirib.

Qeyd edək ki, İspaniyanın Daxili İşlər Nazirliyinin məlumatına görə, son 24 saat ərzində Mərakeşdən dəniz və quru yolu ilə Seuta ərazisinə ən azı 49 min miqrant daxil olub. “Associated Press” agentliyinin məlumatına əsasən isə, İspaniyanın Seuta anklavına daxil olmağa cəhd zamanı ən azı 18 miqrant həyatını itirib.