Hörmüz boğazının bağlanmasının davam etməsi halında, neft bazarlarına təsir “fəlakətli” ola bilər – bu haqda Səudiyyə Ərəbistanının dövlət neft nəhəngi “Aramco”nun icraçı direktoru Amin Naser bildirib.

“Keçmişdə baş vermiş fasilələrə baxmayaraq, bu böhran regionun neft və qaz sənayesi üçün ən böyük böhrandır” – Amin Naser qeyd edib.

“İranın İnqilab Keşikçiləri Korpusu” ABŞ-İsrailin zərbələri davam edərsə, Yaxın Şərqdən “bir litr olsun neft”in belə daşınmasına icazə verməyəcəklərini bəyan edib.

Bundan sonra ABŞ Prezidenti Donald Tramp İranın həyati əhəmiyyətli enerji təchizatı bölgəsindən ixracı bloklayacağı təqdirdə, ABŞ-nin ona daha sərt zərbələr endirəcəyi barədə xəbərdarlıq edib.