Səudiyyə Ərəbistanı İrana xəbərdarlıq edib ki, ABŞ-la nüvə razılaşmasına nail olsun, əks halda İsraillə müharibə riski yaranacaq.

Yayılmış məlumata əsasən, Səudiyyə Ərəbistanının 89 yaşlı kralı Salman bin Abdulaziz oğlu şahzadə Xalid bin Salmanı İranın ali lideri Ayətullah Əli Xameneiyə xəbərdarlıqla göndərib.

İranın Prezidenti Masud Pezeşkiyan, Silahlı Qüvvələrin Baş Qərargah rəisi Mohamed Baqeri və xarici işlər naziri Abas Arağçi aprelin 17-də Tehranda, prezidentin iqamətgahında keçirilən qapalı görüşdə iştirak edirdilər.

Eyni zamanda, Trampın ilk prezidentliyi dövründə Səudiyyə Ərəbistanının Vaşinqtonda səfiri olan şahzadə Xalid iranlı rəsmi şəxslərə xəbərdarlıq edib ki, ABŞ liderinin uzadılmış danışıqlara böyük səbri yoxdur. Səudiyyə Ərəbistanının vəliəhdi şahzadə Mohamed bin Salman Qətərin əmiri Tamim al-Tani və Birləşmiş Ərəb Əmirliklərinin Prezidenti Mohamed bin Zaied ilə birlikdə Yaxın Şərqə səfəri zamanı
Donald Trampa İranın nüvə proqramına hərbi zərbə endirilməsinə qarşı olduqlarını deyib.