Sərhəd Polisinin rəisi Davit Tamazaşvili NATO-Gürcüstan Əsas Paketinin əsas qrup rəhbərinin müavini ilə görüşüb

Daxili İşlər Nazirliyinin Sərhəd Polisinin rəisi Davit Tamazaşvili NATO-Gürcüstan Əsas Paketinin (SNGP) Əsas Qrupunun yeni təyin olunmuş rəhbər müavini Enes Gürcanla görüş keçirib.

Tanışlıq xarakteri daşıyan görüşdə tərəflər NATO-Gürcüstan arasında praktiki əməkdaşlıq məsələlərini və birgə planları müzakirə ediblər. NATO-Gürcüstan Əsas Paketinin dəniz təhlükəsizliyi təşəbbüsü çərçivəsində nəzərdə tutulan tədbirlərin həyata keçirilməsində Türkiyə Respublikasının töhfəsi xüsusi vurğulanıb.

Sərhəd Polisinin rəisi Enes Gürcana gələcək fəaliyyətində uğurlar arzulayıb və NATO-Gürcüstan Əsas Paketinin Əsas Qrupuna Sərhəd Polisinin imkanlarının inkişaf etdirilməsinə göstərdiyi fəal dəstəyə görə təşəkkür edib.

Görüşdə Gürcüstan Sərhəd Polisinin rəisinin birinci müavini, müavinləri və digər rəhbər şəxslər, həmçinin NATO-Gürcüstan Əsas Paketinin dəniz təhlükəsizliyi təşəbbüsünün rəhbəri Türkan Öztürk iştirak ediblər.

Məlumatı Sərhəd Polisinin mətbuat xidməti yayıb.