Qərbi Gürcüstanda yağan güclü qarın aradan qaldırılmasına Daxili İşlər Nazirliyinin Sərhəd Polisinin helikopteri cəlb olunub. Məlumatı Daxili İşlər Nazirliyi yayıb.

Onların sözlərinə görə, baş nazirin müavini, daxili işlər naziri Vaxtanq Qomelauri, baş nazirin müavini, müdafiə naziri İrakli Çikovani, Hökumət Administrasiyasının rəhbəri Levan Jorjoliani və yerli hökumət nümayəndələri vertolyotla Quriya vilayətinin hər üç bələdiyyəsinin kəndlərində mövcud vəziyyəti izləyiblər.

“Meteoroloji şərait yaxşılaşan kimi Sərhəd Polisinin helikopteri bu gün səhər saatlarında Qərbi Gürcüstanda güclü qar yağmasının xilasetmə əməliyyatlarına cəlb edilib. Helikopter lazım gəldikdə xilasetmə əməliyyatlarında, o cümlədən əhalinin ilkin tələbat malları və ərzaqla təmin edilməsində iştirak edəcək. Daxili İşlər Nazirliyinin bölmələri Müdafiə Qoşunları və digər qurumların nümayəndələri ilə birlikdə bütün müvafiq xüsusi texnika ilə fasiləsiz iş rejimində fəaliyyətini davam etdirir və əhaliyə yardım göstərir”. – deyə DİN məlumat yayıb.