Sərhəd Polisinin əməkdaşları Gürcüstanın dövlət sərhədinin qanunsuz keçilməsi faktı üzrə dörd xarici ölkə vətəndaşını saxlayıblar

Daxili İşlər Nazirliyinin Sərhəd Polisinin əməkdaşları Tsiteli Xidi Bölməsinin sərhəd sektoru “Sadaxlo”nun mühafizə olunan hissəsində dörd xarici ölkə vətəndaşını – 1995-ci il təvəllüdlü M.İ., 2001-ci il təvəllüdlü C.A., 1998-ci il təvəllüdlü A.M. və 1998-ci il təvəllüdlü Z.R.-ni Gürcüstanın dövlət sərhədinin qrup halında, qanunsuz keçilməsi faktı üzrə saxlayıblar.

Məlumatı Gürcüstanın Sərhəd Polisi yayır.

Onların məlumatına əsasən, istintaqla müəyyən edilib ki, təqsirləndirilən şəxslər sərhəd-nəzarət buraxılış məntəqəsindən yan keçməklə, Ermənistan Respublikasından Gürcüstan istiqamətində qrup halında, Gürcüstanın dövlət sərhədini qanunsuz keçiblər. İstintaq Gürcüstan Cinayət Məcəlləsinin 344-cü maddəsinin 2-ci hissəsinin “a” yarımbəndi ilə aparılır, bu isə beş ilə qədər azadlıqdan məhrum etməni nəzərdə tutur” – Gürcüstanın Sərhəd Polisinin məlumatında deyilir.