Sərhəd Polisi dövlət sərhədinin qanunsuz keçilməsi faktı üzrə xarici ölkənin iki vətəndaşını və bir Gürcüstan vətəndaşını saxlayıb

Daxili İşlər Nazirliyinin Sərhəd Polisinin əməkdaşları “Kirnati”, “Sarpi” və “Vale” sərhəd sektorunun mühafizə olunan hissələrində Gürcüstanın dövlət sərhədinin qanunsuz keçilməsi faktı üzrə xarici ölkənin iki vətəndaşını – 1985-ci il təvəllüdlü Ş.O. və 1993-cü il təvəllüdlü S.A.-nı, eləcə də bir Gürcüstan vətəndaşını – 1988-ci il təvəllüdlü B.C.-ni saxlayıblar.

İstintaqla müəyyən edilib ki, təqsirləndirilən şəxslər Ş.O., S.A. və B.C. sərhəd-nəzarət keçid məntəqəsindən yan keçməklə Türkiyə Respublikasından qanunsuz şəkildə Gürcüstanın dövlət sərhədini keçiblər və Gürcüstana daxil olublar.

İstintaq Gürcüstan Cinayət Məcəlləsinin 344-cü maddəsinin 1-ci hissəsi ilə aparılır, bu isə 5 ilə qədər azadlıqdan məhrum etməni nəzərdə tutur.