Sabah aksiya canlı zəncir formasında olacaq, lokasiyalar barəsində bu gün müzakirə aparacağıq, – bu barədə “Strategiya Ağmaşenebeli” partiyasının liderlərindən biri, Serqo Çixladze “Lelo” ofisində müxalifət nümayəndələrinin görüşünün başlamasına qədər jurnalistlərə bəyan etdi.

Çixladzenin qeyd etdiyinə görə, utanc dəhlizinin təşkili ilə razılaşmırlar və müvafiq olaraq, burada iştirak etməyi planlaşdırmırlar.

“Bu aksiya dinc şəklində olacaq, detalları müəyyən edəcəyik. Utanc dəhlizinin təşkili ilə razılaşmıram və müvafiq olaraq, burada iştirak etməyi planlaşdırmıram. Hüquqi detallara girmirik, istənilən diskomfortun yaradılması bizim işimiz deyil. Güzəştdən söhbət olsa, “Gürcü Arzusu” üçüncü raundda hansısa təklif gətirməlidir”, – Serqo Çixladze bəyan etdi.