Ermənistanda Rusiya hərbi bazasının olmaması üçün heç bir ilkin şərt yoxdur, o, ölkənin təhlükəsizliyini təmin edir – bu haqda Rusiyanın Təhlükəsizlik Şurasının katibi Serqey Şoyqu bildirib.

“Rusiya hərbi bazasına gəlincə… o, canlıdır, fəaliyyət göstərir, aktivdir və Rusiya hazırda onun orada olmaması üçün heç bir səbəb görmür” – Şoyqu beynəlxalq təhlükəsizlik forumu çərçivəsində deyib.

1995-ci ilin dövlətlərarası müqaviləsinə əsasən, Ermənistanın Gümrü şəhərində Rusiya hərbi bazası yerləşdirilib. 2010-cu ildə müqaviləyə dəyişikliklər edilib: onun ilkin 25 illik müddəti 2044-cü ilə qədər uzadılıb. Şoyqunun sözlərinə əsasən, Amerika Birləşmiş Ştatları ilə strateji tərəfdaşlıq sazişinin imzalanması daha çox Ermənistandakı seçki kampaniyasının elementinə bənzəyir. Ermənistanın xarici işlər naziri Ararat Mirzoyan və ABŞ-nin dövlət katibi Marko Rubio mayın 26-da Yerevanda strateji tərəfdaşlıq xartiyasını imzalayıblar.