Rusiyanın xarici işlər nazirinin müavini Serqei Ryabkov tərəflərin Ukrayna böhranını həll etmək ərəfəsində olduğuna əmindir. Ryabkov bu haqda bəyanatı Amerika televiziya şirkəti “ABC News”a müsahibəsində verib.

Ryabkovun qeyd etdiyi kimi, bu, müharibə deyil, qaçılmaz olan rus “xüsusi hərbi əməliyyatıdır”.

“Bu dəhşətli böhranı həll etmək ərəfəsində olduğumuza olduqca əminik. Bunun müharibə olduğuna inanmırıq. Bu, qaçılmaz olan rus xüsusi hərbi əməliyyatıdır. Bu əməliyyata başladığımız zaman hadisələr çox səhv istiqamətdə inkişaf edirdi, o vaxt başqa yolumuz yox idi. İndi bütün bu dəhşətli faciələrdən, başqa yerdə inkişaf edən, hər halda bu vəziyyətlə əlaqəsi olmayan hadisələrdən sonra inanıram ki, bütün dünyada və o cümlədən ABŞ-da da alternativlərin müzakirəsinə başlanılıb. Trampın sözü ilə desək, sövdələşməyə hazırıq. Ümid edirəm ki, bu tezliklə baş verəcək, gec deyil. Bu kinayəli səslənə bilər, lakin mənim fikrim belədir — biz bunu dayandırmaq istəyirik. Dayanmaq böyük ölçüdə Kiyevi dəstəkləyənlərin bizim qaçılmaz uğurumuzu ya hərbi əməliyyat, əldə edilməsi diplomatik vasitələrlə mümkün olan ya kompromis, ya da sövdələşmə şəklində tanımasından asılıdır. Biz indi buna fokuslanmışıq” – Ryabkov bildirib.