Rusiyanın xarici işlər naziri Serqei Lavrovun bəyanatına əsasən, Ukraynanın heç vaxt NATO-ya qoşulmaması və ərazilərin tanınması Rusiyanın tələbləridir.

Bu barədə Lavrov Moskva vilayətində keçirilən konfransda çıxışı zamanı deyib.

“Biz qanuni tələblərimiz olanı israrla tələb edirik, konkret olaraq isə – təhlükəsizliyimizin təmin olunması: Ukraynanın NATO-ya sürüklənməsi, ümumiyyətlə NATO-nun genişlənməsi olmamalıdır. Bütün verilmiş vədlərə və sənədlərə baxmayaraq, NATO artıq onsuz da sərhədlərimizədək genişlənib. Həmçinin, ikinci tələb Konstitusiyamızda yazılmış reallığın tanınmasıdır, bunlar tamamilə alternativsiz tələblərdir” – Lavrov bildirib.

Serqei Lavrov həmçinin qeyd edib ki, Rusiya bu gün bütün Qərbə qarşı təkbaşına mübarizə aparır.

“Bu gün döyüş meydanında müttəfiqlərimiz yoxdur. Ona görə də biz yalnız özümüzə arxalanmalıyıq. Zəifliyə yol verə bilmərik” – Lavrov bildirib.