Serqei Lavrov – Fransa Rusiyaya Ukrayna üzrə Kiyevin iştirakı olmadan dialoq qurmağı təklif edib

 
Fransa Rusiyaya Ukrayna üzrə Kiyevin iştirakı olmadan dialoq qurmağı təklif edib – bu haqda Rusiyanın xarici işlər naziri Serqei Lavrov bildirib.

Rusiyanın Xarici İşlər Nazirliyinin rəhbəri bildirib ki, eyni zamanda, Fransa Ukraynaya sülhməramlıların göndərilməsinin təşəbbüskarıdır və ukraynalı əsgərlərə təlim keçir.

“Bir neçə dəfə fransız həmkarlarımızdan qapalı kanallar vasitəsilə xahiş olub: “Gəlin, Ukrayna məsələsində dialoqun qurulmasına kömək edək. Yeri gəlmişkən, heç bir Ukrayna olmadan”. Bu cür siqnallar sanki Qərbin “Ukraynasız Ukrayna haqqında bir kəlmə belə” qaydalarını pozmaqla Parisdən gəlirdi. Fransız həmkarlarımızın təşəbbüsü ilə baş verən bu cür qeyri-müəyyən hərəkət ciddi yanaşmaq istəyinə səbəb olmur” – Serqei Lavrov bildirib.