Samvel Karapetyan Bütün Erməni Katolikosu və altı arxiyepiskopun məhkəmə prosesini milli rüsvayçılıq adlandırıb

Ermənistanın müxalif “Güclü Ermənistan” Partiyasının lideri Samvel Karapetyan din xadimlərinə qarşı keçirilən məhkəmə prosesini tənqid edib. O, Bütün Erməni Katolikosu və altı arxiyepiskopun məhkəmə prosesini milli rüsvayçılıq adlandırıb.
İlk məhkəmə iclası sabah keçiriləcək. Qeyd edək ki, Karapetyanın özünə qarşı cinayət işi də Erməni Apostol Kilsəsinin müdafiəsi ilə bağlı verdiyi bəyanatdan sonra başlanıb.
Jurnalistlərə açıqlamasında siyasətçi baş verənləri “bütün ermənilərin rüsvayçılığı” kimi qiymətləndirdiyini bildirib.
Karapetyanın sözlərinə görə, hakimiyyətin vəziyyəti düzgün qiymətləndirərək kilsəyə qarşı hücumları dayandıracağı gözlənilsə də, bu proses hələ də davam edir.
Samvel Karapetyan bildirib ki, “Güclü Ermənistan” Partiyasının nümayəndələri məhkəmə iclasında iştirak edəcəklər.