Gürcüstanın Daxili İşlər Nazirliyinin İmereti Polis Departamentinin Samtredia Rayon İdarəsinin əməkdaşları qəsdən sağlamlığa ağır zərər vurma ittihamı ilə 1989-cu il təvəllüdlü P.Ş.-ni saxlayıblar.

“İstintaqla müəyyən edilib ki, təqsirləndirilən şəxs Samtrediada qarşılıqlı mübahisə zəminində soyuq silahla 1978-ci il təvəllüdlü Q.S.- yə xəsarət yetirib. Yaralı kişini xəstəxanaya çatdırıblar və ona müvafiq tibbi yardım göstərilib. Hüquq-mühafizə orqanlarının əməkdaşları P.S.-ni “isti izlər”lə təqsirləndirilən şəxs qismində saxlayıblar. Polis cinayətin törədilməsində istifadə olunan silahı – bıçağı sübut kimi götürüb” – Daxili İşlər Nazirliyində bildirirlər.

İstintaq Gürcüstan Cinayət Məcəlləsinin 117-ci maddəsinin 1-ci hissəsi ilə aparılır. Cinayət dörd ildən yeddi ilədək azadlıqdan məhrum etməni nəzərdə tutur.