Ukraynadakı müharibənin başlanmasından üç il sonra, müxtəlif mərhələlərdə müharibə istəyən qrupların bizim bölgəyə yanaşmasını əks etdirən materialların xatırlanması daha dəhşətli olur – bu haqda parlamentin sədri Şalva Papuaşvili sosial şəbəkədə yazıb.

O, müharibə istəyən elitanın oyununun dünya siyasətində hələ bitmədiyini deyib.

“Bu paylaşım və ona əlavə olunan üç video da üç fərqli şəxs tərəfindən üç fərqli zamanda Gürcüstan hakimiyyətinə qarşı səsləndirilən bir eyni mesajı əhatə edir. Sentyabr, 2022.

Evelin Farkas: „Gürcüstan bu gün Rusiyadan daha az təhlükə altındadır… Putin Ukraynada qalib gələ bilmir… O, yeni cəbhə aça bilmir”.

Jurnalist: „Əminsinizmi? Belə bir təsəvvür var ki, Rusiyanın Gürcüstanda problemləri artırmaq üçün hələ də resursları var”.

Evelin Farkas: „Sonra nə? Sonra nə?..“

„Sonra nə?..“ – Makkeyn İnstitutunun icraçı direktoru və sabiq prezident Zurabişvilinin cari işəgötürəni Evelin Farkas bəlkə də özü də başa düşə bilmədi ki, ağzından qaçırdığı bu bir ifadə ilə müharibə tərəfdarı olan amerikalı və avropalı siyasi elitanın gürcü xalqı və onun təhlükəsizliyi ilə bağlı münasibətini ən dəqiq şəkildə təsvir etdi.

Ukraynadakı müharibənin başlanmasından üç il sonra, müxtəlif mərhələlərdə müharibə istəyən qrupların bizim bölgəyə yanaşmasını və mövqeyini əks etdirən materialların (müsahibələr, bəyanatlar, paylaşımlar) xatırlanması getdikcə daha dəhşətli olur. Belə bir diqqətəlayiq və görkəmli respondentlərdən biri Evelin Farkas idi. Onun tərəfindən 2022-ci ilin sentyabrında “Azadlıq Radiosu”nun Gürcüstan bürosuna verilən müsahibədə müharibə tərəfdarı olan amerikalı və avropalı rəsmi və qeyri-rəsmi idarəçilərin yanlış və hiyləgər baxışı tam şəkildə təqdim olunub, bu baxış əsasında da bizi Gürcüstanın siyasi vektorlarını “düzəltməyə” çağırırdılar:

2022-ci il fürsət pəncərəsinin açıq olduğu vaxtdır və Gürcüstan anı qaçırmamalıdır. Bu gün yeni çağırışlar var və kiçik bir ölkənin hökuməti masa arxasında yer qazanmağa töhfə vermək üçün bir yol tapmalıdır; Gürcüstan hökuməti Rusiyaya qarşı sanksiyalarda daha fəal iştirak etməlidir; Gürcüstan ön xəttə keçmək üçün kifayət qədər səy göstərmədi, səylərini azaltdı və Ukrayna və Moldovadan geri qaldı; Gürcüstanın hazırda Rusiya tərəfindən işğal təhlükəsi yoxdur, çünki Ukraynada qalib gələ bilmir. Kremlin yeni cəbhə üçün resursları yoxdur və nə etsə də, yenə də qalib gələ bilməyəcək; Rusiya Gürcüstanla müəyyən çağırışlar yarada bilər, ancaq bütün ölkəni fəth edə bilməz. Biz isə, Qərb və beynəlxalq cəmiyyət olaraq, Gürcüstanın tərəfində olacağıq, necə ki, Ukraynanın tərəfindəyik.

Bu ismarıcları bu gün eşitmək inanılmaz deyilmi? Gürcüstanın Baş naziri və “Gürcü Arzusu”nun fəxri sədri Gürcüstan hökumətinə təzyiqlə bağlı eyni əhvalatları danışanda axı bizim opponentlərimiz də inanmırdılar?” – Şalva Papuaşvili yazır.