Təhsil islahatı hakimiyyətin həyata keçirdiyi ən vacib islahatlardan biridir – bu haqda Gürcüstan Parlamentinin sədri Şalva Papuaşvili jurnalistlərə deyib.

Onun sözlərinə əsasən, təqdimatı bu gün keçirilən təhsil islahatı konsepsiyası da Gürcüstan Parlamenti tərəfindən tam dəstəklənir.

“Seçicilərimizə təhsil islahatının prioritet olacağına dəqiq söz vermişdik və seçici bunu dəstəklədi. Əlbəttə, ali və ümumi təhsil islahatının kompleks və paralel şəkildə aparılması vacibdir, çünki biri digərinin davamıdır və bir-birini tamamlamalıdır. Bu gün ictimailəşdirilən konsepsiya Gürcüstan Parlamenti tərəfindən tam dəstəklənir. İnfrastruktur məsələləri ilə birlikdə, məzmun əsasdır. Bu gün dərsliklər, təhsilin müddəti, məktəb intizamı və tədrisə fokuslanma istiqamətləri üzrə bu məzmuna əsaslanan yanaşma təqdim edildi. Bu, gürcü xalqının bizdən sifariş etdiyi təhsil islahatıdır və bunu gürcü xalqının sifarişi ilə həyata keçiririk” – Papuaşvili bildirib.