Şalva Papuaşvili rəsmi səfərlə Lüksemburqa yola düşüb

Gürcüstan parlamentinin sədri Şalva Papuaşvili rəsmi səfərlə Lüksemburqa yola düşüb.

Səfər çərçivəsində Gürcüstan parlamentinin sədri ilə Lüksemburq Böyük Hersoqluğu Deputatlar Palatasının sədri arasında təkbətək və geniş tərkibdə görüşlərin keçirilməsi planlaşdırılır.

Parlament sədrinin rəhbərlik etdiyi nümayəndə heyətinin tərkibinə Gürcüstan parlamentinin Xarici Əlaqələr Komitəsinin sədri Nikoloz Samxaradze, parlamentin Avropaya İnteqrasiya Komitəsinin sədri Levan Maxaşvili və parlamentin Prosessual Məsələlər Komitəsinin sədri Davit Matikaşvili daxildir.